Mëngjesi i sotëm ka qënë ndryshe nga të tjerët, pasi që në orët e para u mësua fakti se Fatmir Xhafaj kishte dhënë dorëheqjen nga detyra e tij si ministër i Brendshëm.
I mënjehershëm ka qënë reagimi i kryeministrit Rama i cili e falenderonte dhe prezantonte ministrin e ri që merr detyrën, Sandër Lleshi ish ushtarak.
Xhafaj në një letër falenderonte mbështetësit, kryeministrin si dhe teksa hynte në ministrin e brendshme për të “dhënë porositë e fundit”, edhe gazetarët.
Xhafaj sot
Fakti është se ministrat e Brendshëm kanë histori pas tyre dhe jo gjithmonë ia kanë dalë të përmbushin me sukses mandatet e tyre, për arsye të llojeve të ndryshme.
Vec Xhafaj, dorëheqja e të cilit është ende e “nxehtë”, kujtojmë Saimir Tahirin.
Ky i fundit, jo më larg se dje paralajmëroi një konferencë për mediat mëngjesin e sotëm, por që pas zhvillimeve të fundit duket se u shty për të hënën. Tahiri dha dorëheqjen në 11 Mars të 2017.
Saimir Tahiri akuzohet si i perfshire ne trafikun e droges se bandes se Habilajve, qe vete ai tha se i ka kusherinj te dhjete.
Kujtojmë se vetëm para pak muajsh për Tahirin u dha masa “arrest shtëpiak” më 12 Maj për tu hequr më vonë më 28 Maj.
Tahiri gjatë arrestit
Një ish ministër tjetër i Brendshëm që nuk zgjati shumë pasi erdhi si pasojë e qeverisë teknike është dhe Dritan Demiraj.
Nëpërmjet një statusi në Facebook, ai ka shprehur mirënjohjen e tij për kreun e Partisë Demokratike, Lulzim Basha, i cili i besoi drejtimin e ministrisë së Brendshme, pas marrëveshjes së 18 majit mes Ramës dhe Bashës.
Vlen të përmendet se Lulzim Basha, gjatë kohës kur ishte ministër i brendshëm u vu nën akuzat e rënda për ngjarjen e 21 janarit si dhe çështjen e detit por kurrë nuk pati një largim nga detyra për arsyet e lartpërmendura.
Të tjerë:
Hajredin Shyti (Maj 1991-Qershor 1991)u arrestua dhe dënua për ngjarjen e 2 prillit 1991.
Halit Shamata, (Korrik 1996-Mars 1997)u arrestua në gusht 1998 me akuzën më të rëndë për krime kundër njerëzimit por pasi disa javësh në qeli u lirua për mungesë provash.
Perikli Teta, (Prill 1998-Shtator 1998)u arrestua në sallën e gjyqit.
/AlpeNews.al
