Barizhe Mance: Më arrestuan nën akuzën e prodhimit të armëve, gjykata i cilësoi si lëndë mësimore
62-vjeçarja, Barizhe Mance rrëfen se në 13 shtator 2016 kishte gjetur jashtë portës, një shashkë,(mbetje luftarake) dhe e kishte varur mbi portë.
Kjo u bë shkak që policia ta arrestonte dhe të bastiste shtëpinë e 2 të moshuarve, Mezhdet dhe Barizhe Mance.
I shoqi rrëfen ditën kur policia arreston bashkëshorten e tij dhe me forcë kontrollon gjithë shtëpinë sikur të ishte ndonjë kriminele.
Ai shton se kur mbërritën në oborrin e komisariatit, bashkëshortes së tij i bien të fikët dhe policët e dërgojnë 62-vjeçare në maternitet sikur ishte shtatzënë.
Zonja Barizhe tregon se ka përjetuar turpin më të madh në një moshë të vjetër.
Dy të moshuarit kërkojnë përmes emisionit ” Fiks Fare” që të dëgjohet historia e tyre, të dihet e vërteta e tyre dhe kur të dalin në qytet, të dalin me kokën lart dhe jo t’ia bëjnë me gisht.
