Sheraton, brendi mirënjohur botëror i hotelerisë nga 1 janari 2018 nuk do të menaxhojë më hotelin lukzos pranë stadiumit Kombëtar “Qemal Stafa” pas mosmarrveshjevve me kompaninë MakAlbania degë e kompanisë Karaifi Grup, pronare e hotelit.
MakAlbania ka vendosur ta shesë këtë pronë tek një biznesmen shqiptar, ndërsa kompania anlgeze Marriot që menaxhon logon Sheraton i ka kërkuar Makalbania-s që hotelin mos shesë nën logon e Sheraton. Sipas kompanisë angleze te menaxhimit Marriot, firma MakAlbania nuk ka kryer investime ne hotel për të plotësuar kushtet për të mbajtur logon Sheraton dhe për ta shitur nën këtë brend.
Kamera e Report tv sjell pamje nga ku duket se logoja e Sheraton nuk është më në hotelin lukzos. Televizioni yne kontaktoi drejtorinë e informacionit të këtij hoteli për të marrë një prononcim për këtë çështje, por iu komunikua se ka një vendim për të mos dhënë asnjë prononcim për këto zhvillime.
Ndërkohë në portalin online të Hotel Sheraton për rezërvimin e dhomave shërbimi është i padisponueshëm. Mësohet se Mak Albania ia ka shitur hotelin një biznesmeni shqiptar, emri i të cilit është ende mister. Shoqata Shqiptare e Turoperatoreve dhe Agjensive Turistike ishte e para që reagoi për largimin e Brandyt Sheraton nga Shqiperia. Në një njoftim për mediat kjo shoqatë e cilëson si zhvillim negative largimin e brandyt të mirënjohur
“Sapo mësuam që Sheraton do të largohet nga Shqipëria duke filluar nga 1 Janari 2018! Kjo ishte “dhurata” më e keqe që i bëhet turizmit shqiptar në këtë fundvit festash, dhe është një nga lajmet më negative të gjithë historisë së 20 viteve të fundit të hotelerisë dhe turizmit tonë.
Sheratoni (që një vit me parë u ble nga grupi më i madh hotelerik në botë Marriott) është një emër shumë serioz dhe me peshë në grupet e zinxhirëve hotelerik.” Thuhet ne njoftimin e Shoqates Shqiptare të Turoperatoreve dhe Agjensive Turistike./shqiptarja
