Sërish fatkeqësi në familjen Zekaj. Tre ditë pas vdekjes së djalit në burgin e Fierit, mësohet se ka humbur jetën babai i tij, Vero Riza Zekaj. 51-vjeçari u vetëvar me çarçaf në burg, ndërsa i ati thuhet se ndërroi jetë nga hidhërimi i thellë për djalin e tij.
Pak më parë ai tha në një prononcim për mediat se djalin ia kishin bërë copa copa, ia kishin vrarë. Ndërkohë lajmin për ndarjen nga jeta të babait të 51-vjeçarit e ka dhënë në rrjete sociale një mik i familjes Zekaj.
Ai thotë se Bilbili nuk ka humbur jetën si pasojë e vetëvarjes, por nga mungesa e shërbimit mjekësor. Familja e pikëlluar kërkon sqarim nga shteti, të zbardhet e vërteta dhe përgjegjësit të vihen para drejtësisë.
Një ditë pas ngjarjes tragjike në Fier ku u vetëvar me çarçaf në tualetin e burgut 51-vjeçari Bilbil Zekaj, ka reaguar gruaja e tij e cila tregon dhe bisedën e fundit në telefon me të shoqin.
