Lajmi për largimin e Sheratonit është kumtuar prej kohe. Heqja e simbolit të hotelit të parë me 5 yje në vend po përcillet si një lajm i zakonshëm.
Në fakt, largimi Sheratonit është lajm i vjetër. Ajo që përbën interes është përgjigja e pyetjes: Po më pas?
Çfarë do të bëhet? Do të vijojë godina të jetë hotel dhe ambient shërbimesh?
Është shitur godina (bashkë me truallin)?
A mund t’i ndërrohet destinacioni?
Meqë ka edhe oborr të madh dhe disa pemë që “po i marrin frymën Tiranes” a ka të ngjarë që aty të “mbillen” kulla?
A mos vallë i gjithë territori do t’i kthehet publikut dhe do të jetë pjesë e “pylllit orbital”?
Unë, nisur ngaçfarë ka ngjarë e po ngjet, besoj fuqimisht se do të ndodhë kjo e fundit.
Përgjigjen e pyetjeve të mësipërme nuk e jep dot Babagjyshi i Vitit të Ri sepse atij i ka mbetur vetëm një ditë.
Përgjigja e pyetjes: po pastaj? – është lajmi që ka interes për të gjithë: qytetarë dhe zyrtarë, civilë dhe ushtarakë, vendas dhe ndërkombëtar, sportistë dhe sportëdashës, aksioner dhe aksionistë, lypës dhe… oligarkë
Gëzuar 2K18!
