Dy azilkërkues në Shtetet e Bashkuara të Amerikës, një ukrainase dhe një rus, janë martuar së fundmi në një ceremoni të vogël. Daria Sakhniuk dhe Semen Bobrovski u martuan të mërkurën në zyrat e gjendjes civile në qytetin kufitar meksikan të Tijuana.
Mediat e huaja shkruajnë se çifti kishte jetuar në Ukrainë para luftës së nisur nga Rusia. Këtë e kanë zbuluar vetë ata për rrjetin televiv, Telemundo.
Daria dhe Semen kanë zbuluar gjithashtu se kishin planifikuar që të martoheshin në Kiev, por gjërat nuk shkuan ashtu siç ata dëshironin.
“Jam shumë i lumtur që takova disa njerëz shumë të mirë që mund të na ndihmonin të bashkohemi në këtë martesë këtu në Meksikë, në Tijuana”, tha Sakhniuk.
Ndërkohë pas ceremonisë, çifti festoi ditëlindjen e 27 të Sakhniuk me një festë tradicionale meksikane “taquiza” dhe një bandë mariachi, raporton BBC.
Sipas një njoftimi të ri nga këshilli i qytetit të Tijuana, ata kishin mbërritur në Meksikë dy javë më parë. Bobrovski nuk ishte në gjendje të kërkonte azil në SHBA, për shkak të masave të imigracionit që janë në dispozicion vetëm për qytetarët ukrainas që ikin nga lufta.
Tani që Bobrovski është martuar me një ukrainase, çifti shpreson të lejohet të hyjë në Shtetet e Bashkuara të Amerikës dhe të vendoset sërish në Nju Jork.
