Zëdhënësja e Shtëpisë së Bardhë Karolinë Leavitt, në një konferencë për mediat , e pyetur për mundësinë e një recesioni në ekonominë amerikane, e ka cilësuar momentale rënien e bursës duke deklaruar se shifrat aktuale të tregut të aksioneve janë një “përshkrim i momentit”.
Sekretarja e zyrës së shtypit të Shtëpisë së Bardhë theksoi para mediave gjithashtu se SHBA është “në një periudhë tranzicioni ekonomik” dhe për këtë fajësoji politikat e paraqitura nga ish-presidenti Joe Biden.“Unë e urrej të parashikoj gjëra të tilla. Ka një periudhë tranzicioni, sepse ajo që po bëjmë është shumë e madhe. Ne po e kthejmë pasurinë në Amerikë.”
Ajo vazhdoi me kritikat ndaj administratës Biden, të cilën e fajësoi për krijimin e një “katastrofe ekonomike”.
Në përgjigje të paralajmërimeve nga Kryeministri i Ontarios, Doug Ford, se ai mund të mbyllë furnizimin me energji elektrike në shtetet amerikane si Nju Jorku, Minesota dhe Miçigani ku provinca e tij eksporton, zëdhënësja Leavitt tha se do të jetë presidenti Trump që të vendosë nëse do të ofrojë ndihmë për zonat e prekura.
“Kanadaja ka shkatërruar SHBA-në për dekada të tëra. Presidenti Trump parashikon që Shtetet e Bashkuara të Amerikës të jenë një superfuqi prodhuese ku ka fabrika dhe biznese amerikane në pronësi të amerikanëve që prodhojnë mallra që ne po i eksportojmë në pjesën tjetër të botës,” tha Leavitt.
Leavitt është pyetur për Kanadanë dhe nëse Presidenti Trump ka folur me liderin e ri kanadez të liberalëve Mark Carney, i cili u zgjodh këtë fundjavë për të pasuar kryeministrin Justin Trudeau.
Ajo përgjigjet jo, duke shtuar se telefoni i Trump është “gjithmonë i hapur për liderët që dëshirojnë të flasin me të”.
Në lidhje me vendimin e Trump për të rritur më tej tarifat për çelikun dhe aluminin kanadez, Leavitt thotë se ajo u bë si hakmarrje ndaj Ontarios duke shtuar një tarifë shtesë për eksportet e saj të energjisë elektrike në SHBA – një përgjigje nga provinca më e populluar e Kanadasë ndaj kërcënimeve tarifore të Trump kundër Kanadasë.
Leavitt thotë se është ” fyese” që Ontario të kërcënojë më tej se do të mbyllë energjinë elektrike për popullin amerikan nëse lufta tregtare vazhdon.
