Ukraina dhe Rusia kanë raportuar se kanë shkaktuar humbje të mëdha ndërsa beteja për Bakhmutin po vazhdon. Moska është përpjekur të marrë qytetin lindor të Ukrainës për muaj të tërë në një luftë tepër të përgjakshme.
Presidenti ukrainas Volodymyr Zelensky, tha se forcat ruse kishin pësuar më shumë se 1,100 vdekje në ditët e fundit, me shumë të tjerë të plagosur rëndë. Ndërsa, Rusia tha se kishte vrarë më shumë se 220 pjesëtarë të shërbimit ukrainas gjatë 24 orëve të fundit.
Sipas analistëve, pushtimi i Bakhmutit ka pak vlerë strategjike, por është bërë një pikë qendrore për komandantët rusë që kanë luftuar për të dhënë lajmin pozitiv në Kremlin.
Kapja e qytetit do ta afronte Rusinë pak më afër qëllimit të saj për të kontrolluar të gjithë rajonin e Donetsk, një nga katër rajonet në Ukrainën lindore dhe jugore të aneksuar nga Rusia shtatorin e kaluar pas referendumeve të dënuar gjerësisht jashtë Rusisë si një mashtrim.
“Në më pak se një javë, duke filluar nga 6 marsi, ne arritëm të vrisnim më shumë se 1,100 ushtarë armik vetëm në sektorin Bakhmut, humbje e pakthyeshme e Rusisë, pikërisht atje, afër Bakhmutit”, tha Zelensky në fjalimin e tij të natës me video.
Ai shtoi se 1500 ushtarë rusë u plagosën aq keq sa për t’i mbajtur ata jashtë veprimeve të mëtejshme. Ministria ruse e mbrojtjes tha se forcat ruse kishin vrarë “më shumë se 220 ushtarakë ukrainas”.
