Izraeli deklaroi dje se do të lejonte dy kamionë me karburant në ditë të hyjnë në Rripin e Gazës, por OKB ka hedhur poshtë deklaratën.
Zëdhënësja e UNRWA-s, Juliette Touma në një intervistë për BBC tha se “Ne kemi nevojë urgjente për karburant për operacionet humanitare në të gjithë Rripin e Gazës. Asnjë nga kamionët që kanë ardhur që nga 21 tetori nuk kishte karburant. Ne kemi nevojë për të paktën 120,000 litra karburant çdo ditë nëse UNRWA dhe organizata të tjera të ndihmës humanitare duan të vazhdojnë të ofrojnë ndihmë për njerëzit në nevojë në Rripin e Gazës”.
Më tej ajo tha se 80 mijë civilë kanë nevojë për ndihma, si ushqime dhe veshmbathje.
