Presidenti i Ukrainës tha sot se viti i kaluar ka qenë “më i tmerrshmi” për jetën e shumë banorëve të rajonit të Kievit, ku trupat ruse akuzohen për kryerjen e krimeve të luftës përpara se të tërhiqeshin një vit më parë.
Ushtria ukrainase rimori kontrollin e qyteteve të vogla të Irpin dhe Butsa jashtë kryeqytetit Kiev në fund të marsit të vitit të kaluar. Hetuesit ndërkombëtarë po mbledhin tani prova në Irpin, Butcha dhe zona të tjera ku, sipas Ukrainës, trupat ruse kryen mizori të shumta,
“Për shumë banorë në rajonin e Kievit, viti i kaluar ka qenë më i tmerrshmi i jetës së tyre. Dhe çlirimi i rajonit të Kievit u bë simbol i faktit se Ukraina do të arrijë të fitojë këtë luftë”, tha presidenti Volodymyr Zelensky.
“Ngjarjet që askush nuk mund t’i imagjinonte në shekullin e 21-të u bënë realitet në Butcha dhe Irpin. Trupat rusë përparuan drejt kryeqytetit të Ukrainës nga veriu dhe sollën vdekje dhe shkatërrim”.
Zelensky postoi mesazhin e tij nën një video që tregon ndërtesa dhe automjete të dëmtuara në Butcha dhe Irpin.
