Presidenti rus Vladimir Putin ka rënë dakord në parim që Kryqi i Kuq të ndërhyjë për të ndihmuar civilët e izoluar në Mariupol.
Këtë qëndrim presidenti rus e shprehu gjatë takimit me Sekretarin e Përgjithshëm të OKB-së Antonio Guterres.
Putin ka rënë dakord edhe për përfshirjen e OKB-së dhe Komitetit Ndërkombëtar për Kryqin e Kuq në evakuimin e civilëve nga uzina e çelikut Azovstal në qytetin e rrethuar të Mariupolit.
“Diskutimet vijuese do të zhvillohen me Zyrën e Kombeve të Bashkuara për Koordinimin e Çështjeve Humanitare dhe Ministrinë e Mbrojtjes Ruse” shton zëdhënësi i OKB-së, Stéphane Dujarric.