Kievi ka ngritur padi penale kundër themeluesit të forcave Wanger, Yevgeny Prigozhin për luftën në Ukrainë.
Prigozhin akuzohet për shkelje të integritetit territorial dhe paprekshmërisë së Ukrainës dhe për kryerjen e një lufte agresioni kundër Ukrainës.
“Një njoftim dyshimi i datës 2 shkurt 2023, në një procedim penal nr. 42022000000001269, datë 9 shtator 2022, në lidhje me shtetasin e Federatës Ruse Yevgeny Viktorovich Prigozhin, i lindur më 1 qershor 1961, i cili dyshohet se ka kryer sipas nenit 110 Pjesa 3, Neni 28 Pjesa 2 dhe Neni 437 Pjesa 2 e Kodit Penal të Ukrainës”, thuhet në akuzë.
Uriadovyi Kuryer publikoi gjithashtu një thirrje për të thirrur Prigozhin në Prokurorinë e Përgjithshme për t’u marrë në pyetje më 13, 14 dhe 15 shkurt.
Ukraina po ashtu publikoi datat për të marrë në pyete Prigozhin, përkatësisht në datat 13,14 dhe 15 shkurt.
Prigozhin, i cili dikur ka qenë “kuzhinier personal i Putinit”, ndërsa tani menaxhon Kompaninë Private Ushtarake Wagner, duke qenë një nga figurat kryesore në fushatën ushtarake të Rusisë të nisur kundër Ukrainës.
Grupi Wagner është një organizatë e armatosur që vepron përtej fushës ligjore të Rusisë, duke rekrutuar hapur mercenarë nga radhët e të dënuarve në koloni korrektuese. Grupi tani po merr pjesë të drejtpërdrejtë në luftën agresioni të Rusisë kundër Ukrainës.
