Ministria e Mbrojtjes e Mbretërisë së Bashkuar ka deklaruar se një pjesë e madhe e incidenteve të ndodhura ndaj trupave ruse, përfshirë humbjet e mëdha në ushtarë, kanë pasur si pasojë konsumimin në nivele të larta të alkoolit.
Ndërsa Rusia ka pësuar deri në 200,000 viktima që nga pushtimi i saj në shkallë të plotë të Ukrainës, një numër jo vogël i tyre kanë qenë për shkaqe jo luftarake.
Më 27 mars 2023, një kanal rus i lajmeve në platformën Telegram raportoi se ka pasur një numër jashtëzakonisht të lartë incidentesh, krimesh dhe vdekjesh të lidhura me konsumimin e alkoolit midis forcave ruse të dislokuara.
Komandantët rusë ka të ngjarë të identifikojnë abuzimin e përhapur të alkoolit si një nga shkaqet që dëmton efektivitetin luftarak.
Megjithatë, konsumi i lartë i përhapur në pjesën më të madhe të shoqërisë ruse, është parë prej kohësh si një pjesë e pranuar në heshtje e jetës ushtarake, madje edhe në operacionet luftarake.
