Ushtarët izraelitë vranë një 14- vjeçar palestinez amerikan dhe plagosën dy të tjerë (14 dhe 15 vjeç) në Bregun Perëndimor të dielën, sipas zyrtarëve palestinezë.
Ushtria izraelite (IDF) tha se ushtarët e saj hapën zjarr gjatë një operacioni kundër terrorizmit në Turmusaya kur panë tre “terroristë që hodhën gurë në drejtim të autostradës, duke rrezikuar kështu civilët që ngasin makinën”.
“Ushtarët vranë njërin dhe plagosën dy të tjerët”, dekaroi IDF.
Ushtria shpërndau edhe një video të paqartë që supozohet se tregon momentin, në të cilin shfaqen tre figura mezi të dukshme. Ata thanë se do të vazhdojnë të operojë në Bregun Perëndimor “për të mbrojtur banorët në zonë”, shkroi CNN.
Vrasja ose ndalimi i qytetarëve amerikanë në territoret e pushtuara palestineze nga izraelitët datojnë vite më parë. Në vitin 2003, aktivistja amerikane Rachel Corrie, 23 vjeçe, u shtyp nga një buldozer i ushtrisë izraelite ndërsa përpiqej ta bllokonte atë nga rrafshimi i shtëpive palestineze në Gaza. Nëntë vjet më vonë, një gjykatë civile izraelite e cilësoi vdekjen e saj si aksident.
Në pranverën e vitit 2022, gazetarja e njohur palestineze amerikane Shireen Abu Akleh u vra ndërsa raportonte në Bregun Perëndimor. Po në nëntor të këtij viti, ministri i Mbrojtjes Benny Gantz konfirmoi se Izraeli nuk do të bashkëpunonte me një hetim amerikan për vdekjen e saj.
Në shkurt të vitit të kaluar, shtetasi amerikan i lindur në Florida, Mohammed Khdour, 17 vjeç, u vra nga forcat izraelite të cilët e qëlluan atë në kokë ndërsa ishte në makinën e tij.
Operacionet ushtarake izraelite në Bregun Perëndimor janë intensifikuar që nga fundi i janarit pas nisjes së një fushate të zgjeruar ushtarake atje pothuajse menjëherë pas fillimit të armëpushimit të Gazës. Që atëherë, rreth 40,000 palestinezë janë zhvendosur nga shtëpitë e tyre.
Ushtria izraelite thotë se ka në shënjestër grupet militante palestineze që kanë ngritur sulme ndaj ushtarëve dhe civilëve izraelitë, por palestinezët dhe grupet e të drejtave të njeriut thonë se sulmi i zgjeruar shumë – duke vrarë civilë dhe duke shkatërruar infrastrukturën civile. Në fund të shkurtit, Izraeli vendosi tanke në Bregun Perëndimor të pushtuar për herë të parë në dy dekada.
