Kina ka bërë thirrje për ulje të tensioneve në Lindjen e Mesme.
“Kina është e gatshme të vazhdojë bashkëpunimin me Federatën Ruse në Këshillin e Sigurimit të Kombeve të Bashkuara (KSKB) me qëllim qetësimin e tensioneve në Lindjen e Mesme”, tha Ministri i Jashtëm kinez Wang Yi.
Kjo deklaratë e tij vjen pas një bisedë me homologun e tij rus Sergey Lavrov. Ai gjithashtu bëri thirrje për një armëpushim të menjëhershëm në rajon.
Sipas Reuters, Wang theksoi se mënyra themelore për të zgjidhur problemin e sigurisë së lëvizjes në Ngushticën e Hormuzit është arritja e një armëpushimi sa më shpejt të jetë e mundur.
Ai shtoi se Kina po mbështet vazhdimisht një zgjidhje politike për vatrat e krizës përmes dialogut dhe negociatave.
