Rusia dhe Ukraina bien dakord: një qendër koordinimi për eksportin e grurit nga Ukraina do të formohet në Stamboll. Kështu deklaroi ministri turk i Mbrojtjes, Hulusi Akar, duke folur për takimin e zhvilluar ndërmjet delegacioneve ushtarake nga Kievi, Moska, Ankaraja dhe përfaqësuesit e OKB-së.
“Në javët e ardhshme, delegacionet nga Ukraina dhe Rusia do të takohen sërish në Turqi, do të shqyrtohen të gjitha detajet dhe do të nënshkruhet puna e bërë”, tha Akar. Ndërkohë, Koreja e Veriut ka njohur zyrtarisht pavarësinë e dy “republikave popullore” separatiste pro-ruse në Ukrainën lindore, atyre të Donetskut dhe Luhanskut, duke u bërë vendi i tretë në botë që e bën këtë pas Rusisë dhe Sirisë.
