Kreu i Grupit Parlamentar të PS Taulant Balla, thotë se Kuvendi i Shqipërisë solidarizohet me aktin prej shtetari të Presidentit të Kosovës Hashim Thaçi, i cili dha sot dorëheqjen pasi akt-akuza ndaj tij u konfirmua nga Gjykata Speciale.
“Ne si Kuvend i Shqipërisë duhet të shprehim solidaritetin me këtë akt prej shtetari të zotit Thaçi. Duke theksuar me zë të lartë dhe me krenari kombëtare se lufta çlirimtare është luftë e pastër, e drejtë, që ka qenë dhe mbetet një luftë çlirimtare. Në këtë kontekst dua të nënvizojë se hisotria në asnjë vend të globit nuk është shkruar dhe as nuk do shkruhet kurrë me akt-akuza e vendime gjykate”, tha Balla.
Më tej, një mesazh ai e pati dhe për mediat dhe politikanët serbë.
Çdo prirje e çdo politiakni apo mediave serbe për pavarësinë e Kosovës nuk mund të bëjnë aspak pis luftën çlirimtare të Kosovës. Qoftë Hashim Thaçi e ata burra e gra që kanë kontribuar për pavarësinë e Kosovës do dalin faqebardhë në fund të këtij procesi. Ne besojë dhe shpresojmë që drejtësia ndërkombëtare do bëj punën e vet”, shtoi socialisti.
