Aleanca KuqeZi ka vendosur të marrë pjesë në zgjedhjet e ardhshme lokale të parashikuara që të zhvillohen me 30 qershor të këtij viti.
Vendimi për regjitrimin e saj në zgjedhje, kjo parti e argumenton si një pranim të rekomandimit të ambasadës së Shteteve të Bashkuara në Shqipëri, e cila ka bërë thirrje ndaj gjithë aktorëve dhe partive politike që të regjistrohen në zgjedhje.
Sipas AK, bojkoti është shitje e zgjedhjeve në heshtje dhe se “lufta civile në 30 qershor”, e artikuluar shpesh së fundmi nga përfaqësuesit e opozitës që ndodhen jashtë Parlamentit, “është një skenar rus”.
AK shprehet se është kundër marrëveshjes Rama-Basha dhe që do të tërhiqet nga zgjedhjet nëse kryeministri dhe kryetari i opozitës bëjnë pazare.
Sipas saj, lufta për bashkinë e Tiranës është edhe një sfidë për Shqipërinë dhe tregon gjithashtu se do të bëhen pjesë e koalicionit kundër PD dhe PS të cilat i quan banda.
Kujtojmë se gjatë ditës së sotme deputetja, Rudina Hajdari pas krjimit të grupit parlamentar të enjten e kaluar në Kuvend, ka krijuar edhe një parti të re e përfolur se do të quhet “Bindja Demokratike” (lexo ketu). Kjo lë të kuptohet se kjo parti mund të hyjë në zgjedhje në koalicion me disa parti të tjera dhe mbetet për tu parë nëse njëra prej tyre do të jetë edhe AK.
