Menjëherë pas Mbledhjes së Grupit Parlamentar të LSI-së, ka reagur kreu i këtij grupi Petrit Vasili.
Ai ka theksuar se LSI në bashkëpunim me demokratët, dhe më partitë e tjera opozitare janë gati për vazhdimin e aktivitetit që do të kenë të gjitha sëbashku për largimin e Ramës nga pushteti.
Ndërkohë ai ka sqaruar mediat lidhur me kërkesën që i ka nisur LSI Kryeprokurores Arta Marku për të dhënë informacione lidhur me “Dosjen RAMA”.
Dosje kjo e nisur nga LSI në Prokurorinë e Përgjitshme.
***
ZHVILLIMET SOT NË SELINË E LSI
Ashtu si PD, edhe LSI janë në të njëjtën linjën përsa i përket kërkesës së opozitës për ndryshimet Kushtetuese.
Grupi i punës për ndryshimet kushtetuese do të përbëhet nga Nasip Naço, Oerd Bylykbashi, Ylli Manjani dhe Gazmend Bardhi, ish-ministër teknik.
Kryetari i grupit të LSI, Vasili ka deklaruar në mbledhjen se ky hap është jetik për integrimin Europian.
“Nisma ligjore është e përbashkët për prokurorin e përkohshëm. I gjithë grupi i LSI mbështeti propozimin e grupit të përbashkët të punës. Kthimi i kushtetshmërisë hap kundër shkatërrimit të reformës në drejtësi nga mazhoranca” – ka thënë Vasili.
Kërkesa drejtuar Ruçit është firmosur nga Vasili, Spaho dhe Mediu, që janë kryetar të grupeve të partive opozitare.
PD dhe LSI mblodhën sot firmat për të ndryshuar Kushtetutën, ku sipas tyre, synohet t’i jepet fund antikushtetueshmërisë së zgjedhjes së kryeprokurorit.
Përgatiti: AlpeNews.al
