Kryeministri Edi Rama ka reaguar, për renditjen e peshëngritësit Briken Caljas në vendin e katër në Lojërat Olimpike të Tokios.
“Edhe pse pa medalje për vetëm 1kg diferencë, Brikeni meriton një bravo të madhe”, shkruan Rama në rrjetin e tij social Facebook.
Kryeministri ka publikuar edhe disa fotografi nga momenti kur sportisti shqiptar është renditur i katërti në dygarësh në kategorinë deri në 73 kilogramë, me 341 kilogramë në total, një më pak se medalisti i bronxtë nga Indonezia Abdullah.