Deputetja e PD-së dhe njëkohësisht edhe nënkryetarja e Komisionit të Ekonomisë në Kuvend, Jorida Tabaku ka akuzuar kryeministrin Rama se i ka dhënë koncesionin e kontrollit të bixhozit, vëllait të tij, Olsi Ramës.
Në një deklaratë të bërë nga selia blu, Tabaku tha se kjo është edhe arsyeja e katërfishimit të biznesit të bixhozit në Shqipëri.
‘Ajo që dihet deri tani është se me ligjin e vitit 2015, Edi Rama detyron pikat e basteve të bëjnë pagesën e mirëmbajtjes së sistemit jo në shtet, por tek kompania koncesionare’, tha Tabaku e cila theksoi se, ‘është një plan korruptiv i mirëmenduar për t’i dhënë të vëllait, Olsi Rama, miliona euro fitime nëpërmjet koncesionit të mbikëqyrjes së lojërave të fatit’.
