Sa më i varfër të jesh aq më shumë shpreson që të bëhesh i pasur sa më shpejt. Në të gjithë botën njihet lidhja mes varfërisë dhe tendencës për të luajtur me loto, bixhoz, kazino etj. Por kërkesa për’u pasuruar shpejtë shpeshherë krijon dhe probleme sociale dhe ekonomike.
Më 14 tetor 2013 me ardhjen në pushtet qeveria e koalicioni PS-LSi vendosi me “dorë të hekurt” bllokimin e lojrave të fatit apo e thënë ndryshe, nisja e operacionit “fundi i marrëzisë”. Nisja e operacionit ishte shpresdhënëse dhe u duk se ky fenomen, shkaktar i shumë fatkeqësive në familje do të merrte fund njëherë e përgjithmonë.
Në vijim të operacionit, një ditë më vone u arritën këto rezultate:
- Janë të bllokuara 472 subjekte;
- Janë kontrolluar 696 subjekte;
- Janë proceduar penalisht 149 subjekte;
- Janë proceduar 152 persona;
- Janë sekuestruar 712 makineri lojëra fati e pajisje;
- Janë sekuestruar 75 kompjuterë dhe 190 monitorë në subjektet e pikave të basteve.
Ditën e sotme u publikuan shifrat nga ku rezultoi se shqiptarët lanë në kazino e lloto 132 milionë euro në 2017-n. Në vitin 2017 nuk kishte as kampionat botëror dhe as europian, por kjo nuk e ka penguar industrinë e basteve dhe lojërave të fatit që të vijojë rritjen me ritme të shpejta, teksa numri i pikave sa vjen e po shtohet.
“Fundi i Marrëzisë”, apo ndryshimeve legjislative për t’i nxjerrë kazinotë jashtë qytetit (duket se nuk ka dhënë rezultatet e dëshiruara nga ku rezulton se industria ka shënuar rritje dy shifrore vit pas viti. Në 2016-n, zgjerimi ishte 15%, ndërsa edhe në 2018 vlerësohet që ajo do të rritet ndjeshëm për shkak të Kampionatit Botëror dhe shtimit të pikave të lotove e basteve, që po shtrihen në kryeqytet e qytete të tjera të vendit, duke zëvendësuar baret e lokalet tradicionale.
Dëshira për të fituar sa më shumë po rrënon ekonominë e shqiptarëve. Besimi se lojrat e fatit do zgjidhin problemet ekonomike sa vjen dhe bëhet më i madh.
AlpeNews.al/