Gjatë kontrolleve të ushtruara në qytetin e Tiranës nga inspektorët e Autoritetit të Mbikëqyrjes së Lojërave të Fatit, gjatë kësaj jave janë evidentuar 2 subjekte.
Sipas njoftimit, këto dy subjekte ushtronin aktivitet të paligjshëm në sektorin e lojërave të fatit në të cilat janë konstatuar: 2 tavolina pokeri, 2 njësi kompjuterike me program “poker online” si dhe 2 njësi kompjuterike ku mundësohej ushtrimi i aktivitetit.
Autoriteti i Mbikëqyrjes së Lojërave të Fatit do të vijojë angazhimin në luftën kundër informalitetit në fushën e lojërave të fatit.
