Ish-Presidenti i Republikës, Bujar Nishani ka reaguar për herë të parë lidhur me debatin mes maxhorancës dhe opozitës për kryeprokurorin e ri.
Ndërsa Parlamenit ka hapur garën për emrin e ri për kryeprokuror të përkohshëm, Nishani shprehet se, sot Adriatik Llalla nuk duhet të hynte më në zyrë.
Ndërkohë, paraditen e sotme kryeprokurori me mandat të përfunduar jo vetëm ka qenë në zyrë, por ka kryer edhe një takim.
Por sipas ish-kreut të Këshillit të Lartë të Drejtësisë, Llalla duhet ta kishte braktisur atë ende pa u zgjedhur kryeprokurori i përkohshëm.
Sipas Nishanit, ky moment kërkon një prokuror të ri dhe procesi për zgjedhjen e tij duhet të shkojë vetëm sipas përcaktimeve kushtetuese dhe jo dëshirës politike të kryeministrit.
Sidoqoftë, ligji i njeh Llallës qëndrimin në zyrë deri në zgjedhjen e emrit që do ta zëvendësojë përkohësisht.
