Avokati i Adriatik Llallës, Sokol Hazizaj, është pyetur mbrëmjen e sotme nëse klienti i tij do të kërkojë azil politik, pasi u dënua nga GJKKO me 2 vite burg.
Ai u shpreh se sensibiliteti mund ta shtyjë Llallën që të kërkojë azil, por shtoi se ajo që do ta shtyjë ish-Prokurorin e Përgjithshëm drejt kësaj rruge, është nëse politika do të vazhdojë të vendosë për #ështjen e tij.
“Për sa kohë ishim në sallën e gjykimit, i mbrojturi prej meje konsiderohet i njofuar prej meje. Së dyti, për mua në cilësinë e mbrojtësit nuk ka rëndësi fare nëse do komunikoja me të mbrojturin prej meje. Rekursi ka afat 45 ditë. Apeli sot në kundërshtim me Kodin, duhet të sillte vendimin e arsyetuar, përkundër kodit të procedurës penale. Unë duhet të pres më shumë se 45 ditë për të bërë rekursin. Kjo është padrejtësi që i bëhet të mbrojturit prej meje. A do të kërkojë azil? Pse duhet ta dijë kërkesën për azil kur nuk është pjesë e tagrit. Nëse kjo çështje trajtohet politikisht. Sensibiliteti mund ta shtyjë në atë vendimmarrje.
Nëse një post-gjykim vazhdon diskutimi politikisht, padyshim legjitimohet çdo njeri. Nëse vazhdon kjo lloj dileme, ku politika vendos padyshim që njerëzit do të gjejnë rrugëzgjidhje. Nuk e kundërshtoj dhe as nuk e paragjykoj”, tha avokati Hazizaj.
