Një zyrtar i lartë i Shtëpisë së Bardhë ka thënë dje për media se Departamenti i Drejtësisë do të kërkonte një masë dënimi ”kur të ishte koha e përshtatshme duke zbatuar ligjin aktual”, por duke mos dhënë shembuj konkret.
Megjithatë, Trump do t’i kërkojë Senatit dhe Dhomës së Kongresit të ulë sasinë e pragut të drogës së shitur që mund të sjellin masa ndëshkimore minimale të detyrueshme për personat që merren me tregtimin e drogave, veçanërisht atyre të forta.
Trump pritet të paraqesë planin e ri në New Hampshire, një shtet kryesisht i prekur nga kriza opioide, një fenomen që ka shkatërruar Shtetet e Bashkuara të Amerikës gjatë viteve të fundit.
Gjithashtu, plani i ri do të përfshijë përpjekjet për të zvogëluar sasinë e qetësuesve me bazë opioidi me një të tretën, brenda tre viteve dhe për të përmirësuar kujdesin dhe trajtimin e personave të varur prej tyre.
Trump ka përshëndetur edhe presidentin e Filipineve Rodrigo Duterte duke deklaruar se ”ai po bën një punë të pabesueshme për problemin e drogës”.
