Lëvizjet e fundit në Policinë e Shtetit kanë prekur edhe Drejtorinë e Policisë së Tiranës. Bëhet fjalë për emërimin e drejtorit të ri të uniformave blu të kryeqytetit.
Burimet nga policia thanë se Drejtori i Policisë së Shtetit, Ardi Veliu ka firmosur disa lëvizje pas marrjes së detyrës.
Në krye të Policisë së Tiranës është emëruar Kastriot Skënderi, që deri më tani mbante detyrën e Drejtorit të Policisë së Gjirokastrës.
Kastriot Skënderi, nga data 26 gusht 2015 ka qenë Drejtor i Policisë së Gjirokastrës.
Më pas ai ka mbajtur detyrën e kreut të Policisë së Kufirit në Tiranë.
