Në Kinë, njerëzit janë bashkuar për të luftuar përhapjen e pandemisë së COVID – 19. Arritjet e tyre mund të thuhet me plot kuptimin e fjalës, se kanë qenë heroike, duke pasur parasysh rritjen eksponenciale të rasteve të prekura, dendësinë e madhe e të dendur, si dhe migracionin e madh që ndodh në janar dhe në shkurt, si pasojë e festimeve të Vitit të Ri.
Përfshirja e Tencent, një kompani teknologjike kineze, është dëshmia e promovimit të fuqisë së dixhitalizimit, dëshmi e ngritjes së industrive të internetit, në luftën kundër pandemisë. Në një kohë që konsumatorët e internetit kanë përdorur shërbime si e-commerce për ata që janë të vetizoluar, homologu industrial i ofruesve të internetit, është përqendruar në biznes dhe në industri, për të garantuar funksionimin normal të shoqërisë, duke dhënë një kontribut të thellë, të quajtur “Efekti ACE”.
Përfshirja e teknologjive, si 5G, Inteligjenca Artificiale, Big Data apo “Cloud Computing” – industria e internetit është një drejtim i ri i infrastrukturës së teknologjive. Bashkëveprimi me të dhënat, mundëson koordinimin e të gjithë zinxhirit të industrisë. Kjo i ka dhënë industrisë kineze të prodhimit një nxitje dramatike, duke krijuar një varg mahnitës të rekordeve të reja të prodhimit.
Një shembull i shkëlqyer është ndërtimi i dy spitaleve Huoshenshan dhe Leishenshan, të cilat ofrojnë gjithsej 2.600 shtretër dhe u ndërtuan në kohë rekord. Të dy spitalet morën 10 dhe 12 ditë. Mjetet industriale të përdorura janë teknologji si BIM. Planet e hartimit të spitaleve u prodhuan në vetëm 24 orë. Ndërtimi ishte aq i mirë-organizuar saqë mijëra makina u monitoruan dhe koordinuan në kohë reale përmes një platforme industriale në internet.
Nga 1 janari deri në 7 shkurt, më shumë se 3.000 ndërmarrje kineze përfshinë prodhimin e furnizimeve mjekësore në fushat e biznesit të tyre, duke rritur në mënyrë dinamike shkallën e prodhimit të maskave, veshjeve mbrojtëse dhe dezinfektuesve. Interneti industrial e mundësoi këtë prodhim të shpejtë, ndër-sektor.
Nga ana tjetër, përhapja e pandemisë bëri të mundur dixhitalizimin edhe më të madh të sektorëve nga më të ndryshmet, si shërbimet mjekësore, punët në zyra, apo arsimi. Gjithashtu, këto produkte të reja kanë ri-formatuar perceptimet dhe sjelljet njerëzore. Shoqëria ka përjetuar një kapërcim të pakthyeshëm në jetën dixhitale.
Po ashtu, koordinimi i 276 milionë studentëve që mësojnë nga shtëpia ka qenë një tjetër hap gjigand drejt dixhitalizimit të arsimit. Kjo është cilësuar lëvizja më e madhe në internet në historinë e arsimit.
Gjatë kësaj periudhe, ka lindur edhe një model i ri i bashkëqeverisjes për shoqërinë moderne – enabler – i cili angazhon qeveritë të komunikojnë në mënyrë aktive me homologët e tyre, për të përmirësuar shërbimet komunale.
Përhapja e kësaj pandemie ka demostruar se si njerëzit mund ta shfrytëzojnë internetin edhe më, aq sa për të qenë të gatshëm të përballojnë edhe situata si ajo aktualja. /worldeconomicforum/
