Ish-ministri i jashtëm Ditmir Bushati ka publikuar në faqen e tij të Facebook letrat e falënderimit që ka marrë nga ministri i Jashtëm i Gjermanisë, Heiko Maas.
Në mesazhin e tij, Bushati shkruan se ishte kënaqësi që ka marrë vlerësimin e ministrit të Jashtëm gjerman.
“Gjermania mbetet një partner i ndershëm dhe kritik i drejtë i vendit tonë, mbështetëse e palëkundur e transformimit demokratik, ekonomik dhe shoqëror të rajonit tonë në rrugën drejt anëtarësimit në BE.
Kënaqësi të merrja sot letrën e kolegut e mikut të shumë vlerësuar, ministrit të jashtëm gjerman Heiko Maas, që konfirmon këtë rol të pazëvendësueshëm të partnerit tonë por dhe besim të palëkundur te rrugëtimi ynë europian”
