Deputeti i PS-së Pjerin Ndreu ka komentuar letrën e Presidentit Ilir Meta në adresë të shefit të Shtëpisë së Bardhë, Donald Trump lidhur me çështjen e votimit të Shqipërisë në OKB.
Ndreu e konsideroi letrën si një thikë kundër qeverisë, por që nuk pati asnjë sukses që sipas tij mendohej nga kreu i shtetit.
“Është një letër që u mendua për të goditur qeverinë, por më duket se nuk e ka bërë efektin.
Ajo letër ishte një thikë kundër qeverisë që dikush në një moment të caktuar, kur mendoi se qeveria po lëkundej veproi për ta ngulur atë.
Ajo që mendoj është se ishte një letër e hapur kundër qeverisë. Në gjykimin e atyre që kanë bërë atë gjë kanë menduar që u lëkund qeveria”, u shpreh Pjerin Ndreu.