Lentet e kontaktit gjejnë përdorim të shumtë gjatë festës së Halloween pa ditur se kanë një efekt tepër të dëmshëm për sytë.
Sipas mjekëve, blerja e tyre në internet apo treg të hapur përbën rrezikun e përhapjes së infeksioneve pasi nuk janë të aprovuara nga ligjet mjekësore.
“Disa nga rastet që shohim janë pacientë që i ndajnë lentet me miqtë, përdorin të njëjtat çdo vit edhe pse ka kaluar data e skadencës si dhe kanë efekte tepër të rrezikshme që mund të përfundojnë në verbërim,”- është shprehur Badrus Hussain për Independent.
Hussain shton se zona e kornesë së syrit është tepër delikate, prandaj ndodh që të dëmtohet edhe nga lente të krijuara në zona laboratorike nga vetë mjekët.
