Numri i vrasjeve në Shqipëri është rritur e megjithatë ato rëndojnë shumë kur motivet banale degradojnë në armë dhe thika.
Vetëm para dy netësh, një 30 vjeçar u vra miku i tij për për lekë borxh. Fatkeqësisht rastet ku paraja ka nxjerrë viktima e kriminelë nuk janë të pakta.
Kujtojmë tregtarin e perdeve, i cili u shpall fillimisht i zhdukur ndonëse më vonë rezultoi se shoku i tij i ngushtë (që po i ofronte ndihmë familjes së tij) e kishte vrarë.
Çfarë ndodhi dy netë më parë:
Holti Hajdari u grabit dhe qëllua për vdekje në banesën e tij. Ngjarja e rënda u shënuan në kryeqytet mbrëmjen e së enjtes në zonën e Yzberishtit.
Ka dyshime se autori një 25-vjeçar me iniciale M.Sh. u përlesh me viktimën për ti marrë paratë që i kishte sjellë i ati nga Greqia.
Vrau shokun e ngushtë se nuk i dha lekët për makinën
“Fabjoni më tha se lekët i kishte, por nuk donte të m’i jepte”. Kështu rrëfehu në sallën e gjyqit i riu Mario Ribaj, i cili pak ditë më parë vrau shokun e tij të ngushtë për një shumë lekësh që ky pretendonte që viktima t’i kthente për makinën. Ngjarja e rëndë ndodhi në fshatin Vranisht ë Vlorës.
Autori i kishte borxh viktimës 1500 lekë të hashashit
Vrasja në Elbasan ndodhi pas debatit për lekët e tri dozave me hashash. Saimir Muça, i akuzuar për vrasjen me thikë të Klodian Lumanit, 26 vjeç.
Sipas Policisë, krimi u shënua në kohën kur Lumani kishte shkuar të takonte Saimirin, të cilin e kishte shok dhe të dy i lidhte shitja dhe konsumimi i lëndës narkotike e llojit Cannabis sativa. Nga të afërm të viktimës mësohet se mes tij dhe autorit të krimit kishte lindur një debat për një borxh që Muça i kishte atij. Bëhet fjalë për një borxh prej 1500 lekësh të rinj që autori i kishte viktimës si pasojë e blerjes së “mallit” nga ky i fundit.
Shkodër, 69 vjeçari vret gruan se i kërkonte lekët e pensionit
Bashkim Teli, 69-vjeçari që vrau gruan e tij të dytë, Suzana Shemunin. Pas arrestimin, Teli i i ndodhur ne seancë Teli ka shfaqur çrregullime teksa dëshmonte. Ai ka thënë se e ka vrarë gruan e tij sepse ajo i kërkonte shpesh herë llogari për pensionin.
“Donte të dinte se ku i shpenzoja paratë dhe i donte ajo për vete. Disa herë ia kam dhënë, ndërsa këtë herë nuk doja t;ja jepja. Ajo u nervozua dhe filloi të ngrinte zërin. Me pas na humbi kontrolli dhe e qëllova. Kuptova pas pak se kishte humbur jetën dhe dola nga banesa”,- dëshmoi ai.
Si tregtari e vrau shokun për 2.6 mln lek
Miqësia e prishur mes dy shokëve fëmijërie nga Peqini përfundoi tragjikisht.Ata së bashku kishin vajtur të tregtonin perde në veri të vendit.
Përgjigja e analizave të ADN-së ka konfirmuar se gjaku i gjetur në makinën që udhëtonin bashkë i përket Fation Fejzillarit, 30-vjeçarit të zhdukur që prej 29 Prillit 2018.
‘Gjetën gjak në makinën e Fationit. Tek dera e prapme dhe tek kukulla e xhamit tek pasqyra, gjaku është i Fationit’, thotë nëna e tij.
I dyshuari kryesor, tashmë i arrestuar, është shoku i tij i ngushtë Aleksandër Fadili, i cili e mohon autorësinë e krimit.
Ai nuk pranon të bashkëpunojë me drejtësinë për gjetjen e trupit. Pavarësisht se provat për implikimin e tij në vrasje janë të shumta. Ndërsa familjarët e viktimës ende shpresojnë dhe apelojnë për ndihmë.
/AlpeNews.al
