Nënkryetarja e LSI, Erisa Xhixho tha se vendimi i deputetit Lefter Koka për të mos djegur mandatin, tha se ky është vendim personal.
E ftuar në studion e lajmeve të Ora News, Xhixho tha se opozita i ka ezauruar të gjitha rrugët ligjore.
“Sa i përket deputetit të Durrësit, i cili vendosi për të mos e dorëzuar, ai është një vendimmarrje personale e zotit Koka.
Mua nuk më vjen mirë që deputetë të caktuar në këtë moment historik ku ndodhet demokracia në Shqipëri, në këtë kryqëzim që jemi, ku ose do pranojmë blerjen e votës ose do luftojmë në sheshe në forma demokratike për ti dhënë fund trtanzicionit”, tha Xhixho.
Sipas Xhixhos deputeti Lefter Koka është thirrur ar në mbledhjen e grupit të LSI, por nuk ka marrë pjesë.
“Ka qenë i lajmëruar për mbledhjen e grupit, nuk është paraqitur. Ka paraqitur argumentet e tij. Çdo kush që bëhet pjesë e të keqes së vendit, dhe bie në konsensus me atë çfarë po i ndodh Shqipërisë sot besoj që është një zgjedhje personale e tij.
LSI ka një vendim të vetëm, atë të tryezës së opozitës së bashkuar për ti shkuar deri në fund kësaj vendimmarrje dhe se nuk ka kthim prapa”, u shpreh Xhixho.