Me një maxhorancë të madhe, OKB dënoi të enjten vendimin e Presidentit të SHBA-së për të njohur Jeruzalemin si kryeqytetin e Izraelit. Presioni i fundit diplomatik nga Donald Trump dhe përfaqësueses së tij në OKB, Nikki Haley, nuk ishte i mjaftueshëm.
Asambleja e Përgjithshme e OKB-së miratoi më 21 dhjetor një rezolutë për statusin e Jeruzalemit, të sponsorizuar nga Turqia dhe Jemeni, me 128 vota pro, 35 abstenime dhe 9 vota kundër.
Statusi është i bazuar gjerësisht në një draft të prezantuar të hënën në Këshillin e Sigurisë, i cili pa dyshim dënon njohjen e Jeruzalemit si kryeqytet të Izraelit nga presidenti amerikan.
Rezoluta, e cila përfshin një seri rezolutash të Këshillit të Sigurisë për Jeruzalemin dhe thekson natyrën e paligjshme të pushtimit të pjesës lindore të Qytetit të Shenjtë nga ana e Izraelit, u mbështet nga dy të tretat e vendeve anëtare, përfshirë Francën dhe Britaninë, partnerët tradicionalë të SHBA-së, Kinën, Rusinë, Shqipërinë dhe të gjitha vendet e botës arabe.
Para këtij takimi, Trump u përpoq të frikësonte me kërcënimin se do të ndërpriste ndihmën financiare të SHBA-së për vendet që do mbështesnin rezolutën e re.
Ky mesazh u përcoll nga ambasadorja e SHBA-së në OKB, Nikki Haley përmes një fjalimi në Asamblenë e Përgjithshme ku ajo mbrojti vendimin e Uashingtonit për të zhvendosur ambasadën amerikane nga Tel Avivi në Jeruzalem.
“Shtetet e Bashkuara do ta kujtojnë ditën kur u vunë në shënjestrën e Asamblesë së Përgjithshme vetëm se ushtroi të drejtën e saj sovrane. Ne do të kujtojmë kur të na kërkojnë përsëri që të jemi kontribuuesit kryesorë për Oraganizatën e Kombeve të Bashkuara” tha Haley në fjalimin e saj.
Sidoqoftë miratimi i rezolutës shënon një dështim për administratën Trump.
