Lazio ka mundur 5-1 në transfertë skuadrën e Benevento-s dhe i është bashkuar Juventus-it dhe Napoli-t në krye të renditjes. Të tri ekipet janë në kuotën e 28 pikëve, por napolitanët do të zbresin në fushë në orën 15:00 për t’u përballur në “San Paolo” me ekipin e Sassuolo-s.
Ciro Immobile, golashënuesi më i mirë i Serisë A me 14 gola, ka qenë protagonist edhe sot. Në fillim, sulmuesi italian ka dhënë asistin për Basto-s, me këtë të fundit që ka zhbllokuar ndeshjen në minutën e 4-t. Nëntë minuta më vonë ka qenë Immobile që ka dyfishuar avantazhin për skuadrën e Simone Inzaghi-t, ndërsa në të 24-ën ka dhënë aisitin e radhës për Marusic, që ka dërguar shifrat në 3-0.
Benevento, që ka regjistruar humbjen e 11-të në po kaq ndeshje të luajtura në këtë kampionat, ka realizuar golin e ngushëllimit në minutën e 55-të me Lazaar. Katërmbëdhjetë minuta para fundit, miqtë kanë realizuar edhe golin e katërt me Marco Parolo. Në fund ka patur kohë edhe për golin e pestë të realizuar nga portugezi Nani, teksa edhe këtë herë asisti ka ardhur nga këmbët e Immobile.