Isabel Santos pritet të përzgjedhet raportuese për Shqipërinë në Parlamentin Evropian, raporton ‘European Western Balkans’.
Eurodeputetja portugeze pritet të zëvendësojë Knut Fleckenstein, ndërsa për këtë post është propozuar nga Aleanca Progresive e Socialistëve dhe Demokratëve (S&D).
Isabel Santos u zgjodh si anëtare e Parlamentit Evropian këtë vit, ndërsa më parë ka qenë anëtare e parlamentit kombëtar në Portugali.
Ajo ishte anëtare aktiv i delegacionit Portugez në Asamblenë Parlamentare të Organizatës për Siguri dhe Bashkëpunim në Evropë.
Kohët e fundit OSBE ka lehtësuar dialogun për reformën zgjedhore në Shqipëri.
Raportuesit e Parlamentit Evropian për vendet e Ballkanit Perëndimor janë përgjegjës për hartimin e raporteve vjetore të miratuara nga Komiteti i Punëve të Jashtme të PE dhe pastaj diskutohen në seancat plenare. Është një mënyrë jo-detyruese por me ndikim për të nxjerrë në pah çështjet me të cilat BE-ja shqetësohet më shumë kur bëhet fjalë për vendet kandidate.
