Ish-kryeministri Sali Berisha e ka nisur fjalimin e tij me një lapsus të vogël, duke ngatërruar një datë, ditën kur Shqipëria firmosi pro rezolutës së OBK mbi ‘statusin e Jerusalemit’.
Ndonëse donte të thoshte se data 21 dhjetor ishte kthyer në një ditë të errët për Shqipërisë, ai tha 21 janar (Datën kur në Bulevard u vranë 4 persona në vitin 2011).
Mes të tjerash ish-lideri i PD-së tregoi edhe një telefonatë që kishte pasur me kryeministrin Erdogan, që sot është kreu i Shtetit turk, duke i bërë të qartë se Shqipëria ishte përkrah SHBA-ve.
“21 janari do të hyjë, (ngatërron datën dhe në sallë dëgjohen të qeshura) 21 dhjetori do të hy në historinë shqiptare si dita e zezë ku bijtë e etërit rikthyer në aulën më mizore të planetit, votën e Enver Hoxhës, kundër shtetit dhe kombit. Këta gënjejnë çdo ditë shqiptarët. Të gjitha vendet kandidate tha ministri, votuan për rezolutën. Maqedonia është një vend, një vend kandidat. Këta nuk kanë fytyrë, po burri është burrë dhe mban përgjegjësi për atë që bën. Nuk futet në vrima. Vota pro rezultoës ishte kundër interesit kombëtar. Është një ndarje e thellë, midis lindjes dhe perëndimit në rastin e Shqipërisë. Në 28 nëntor të 2012 kam pasur një telefonatë të gjatë me kryeministrin e Turqisë për të cilin kam pasur respekt të veçante për disa aspekte dhe s’pajtohm kurrë me disa gjëra. Në këtë telefonatë kam bërë të qartë se Shqipëria nuk do të bëhej kurrë shtojcë e Turqisë, por do ishte aleate e SHBA-ve”, tha Berisha.
