Ka përfundur afër mesnatës, debati në seacën plenare të kësaj të enjteje në sallën e Kuvendit të Shqipërisë, ku në përfundim me 73 vota pro dhe 44 kundër, është miratuar buxheti faktik i shtetit për vitin 2016.
Ka qenë një maratonë e vërtetë kjo seancë e nisur me shumë debat në orën 10.00 deri afër drekës, mes Kryeminsitrit Rama dhe protagonistëve të tjerë politikë të opozitës në Kuvend, për tu futur më pas në diskutime rutinë, të cilat kanë përfunduar pas orës 23.00.
Debati i kësaj të enjte në Parlament, ka zgjatur në këtë mënyrë për plot 13 orë me radhë, në përfundim të së cilës, seanca është mbyllur edhe me votimin e ligjit për tarifat dhe shpenzimet gjyqesore.
