Autoritetet shëndetësore britanike po hartojnë një plan në mënyrë që të vaksinojnë stafin mjekësor brenda disa javëve.
Sipas një e-maili të siguruar nga “The Mail On Sunday”, zbulohet se Shërbimi Shëndetësor po përgatitet për një program kombëtar të vaksinimit para Krishtlindjeve.
Kjo mund të rrisë optimizmin të britanikët, të cilët shpresojnë se kjo vaksinë do të ndryshojë lojën dhe se Boris Johnson do të lehtësojë masat e rrepta që kanë dëmtuar ekonominë e vendit dhe jo vetëm.
“Shpresojmë dhe besojmë, që së bashku me organizatat e NHS në shkallë vendi, të jemi të përgatitur për të filluar një program vaksinimi anti Covid-19 për stafin në fillim të dhjetorit”, tha Glen Burley, shefi ekzekutiv i Spitalit George Eliot NHS Trust në Warwickshire.
