Këshilli Kombëtar i Punës ka miratuar ditën e sotme rritjen e pagës minimale me 30 mijë lekë.
Me anë të një postimi në rrjetet sociale ministrja e Financave Anila Denaj shkruan se rritja e pagës ka qenë gjithmonë iniciativë e Qeverisë.
“Detyra parësore e çdo qeverie është të sigurojë një nivel jetese sa më të mirë për qytetarët e saj.
Çdo punë që të quhet dinjitoze duhet edhe të paguhet në mënyrë dinjitoze.
Ja pse, gjatë qeverisjes sonë kemi rritur pagat në mënyrë konstante edhe për të punësuarit në sektorin privat,” shkruan Denaj në postimin e saj.
