Mjeku i njohur reanimator Roland Xhaxho është shëruar duke fituar betejën me koronavirusin.
Lajmin e ka konfirmuar vetë mjeku në një prononcim për gazetaren e Report Tv Doris Sallaku. “Kam bërë teste, jam negativizuar, pres të dal nga spitali” tha ai për Report Tv.
Reanimatori Xhaxho prej më shumë se dy javësh, nga data 4 prill ishte shtruar në Infektiv, pasi u prek me koronavirus.
Roland Xhaxho iu bashkua vullnetarisht thirrjes për të qenë në frontin e luftës me koronavirusin, ndërsa tashmë pasi fitoi betejën pritet që të rikthehet sërish në krah të kolegëve te Infektivi.
