Emri i tij është Johnny Ward, është 33 vjeç dhe është dëshmia më e mirë se gjithçka mund të arrihet në jetë, nëse keni ndonjë ëndërr të cilën gjithmonë keni pasur dëshirë ta jetësoni, shkruan Daily Mail.
John kishte dhënë dorëheqje nga puna e tij në Sidney, dhe 93 eurot e fundit që i kishte i investoi në atë që gjithmonë kishte dashur të bëhet, bloger.
Ai duke udhëtuar deri më tani ka fituar afro dy milionë euro, kurse karrierën e filloi si një turist që të gjitha gjërat e nevojshme i barte në çantën e shpinës. Sot, udhëtimet e tij kushtojnë shumë.
John jeton nga reklamat në blogun e tij, kurse gjatë udhëtimeve viziton vendet për të cilat dikur kishte ëndërruar dhe pretendon se jeta e tij është si ajo në ëndrra.
“Kam hequr dorë nga puna ime në Sidney pasi kisha dëshirë të udhëtojë nëpër botë dhe të bëhem bloger. Kur më kanë lajmëruar kompanitë e interesuara për reklamim, mendoja se miqtë po tallen me mua. Por, për fat të mirë sot kemi bashkëpunim të ngushtë. Fle nëpër vende të ndryshme të botës, punojë dhe argëtohem gjithkund, zgjohem në orë të çuditshme që të arrij në kohë në aeroport që të mos i humb fluturimet”, ka deklaruar ai.
Ai ka lindur në Irlandë, dhe prindërit e tij ishin zhvendosur në Irlandën e Veriut kur ai ishte fëmijë. Ata ishin të varfër dhe për shkak të gjendjes së rëndë ekonomike, prindërit nuk mund t’i siguronin të holla për udhëtime të ndryshme nëpër botë.
Por, pasi përfundoi fakultetin vendosi të marrë pjesë në testimin mjekësor të barnave, në mënyrë që të mbledh para për udhëtime, duke marrë parasysh faktin se familja nuk ishte në gjendje t’ia plotësonte.
“Testimi i barnave ka qenë mënyra e vetme që të mbledh shuma të mëdha parash për një kohë të shkurtër. Pas kësaj pune, kam punuar në kampe verore me fëmijë që kanë probleme të realizojnë fluturime në Amerikë, gjë që më ka ndihmuar të vizitojë shumë vende. Pasi vija nga një familja e varfër, pas përfundimit të studimeve më është dashur të punojë shumë. Ndoshta kjo edhe është arsyeja pse kam marrë pjesë në testimin e barnave dhe kam dhënë gjuhën e letërsisë angleze në Tajlandë”, ka shtuar ai.
Por, ideja që të fitojë shumë para i ra në kokë ndërsa punonte në Sidney.
Për fillimin e këtij biznesi, përveç biletës së aeroplanit i janë nevojitur vetëm 100 dollarë, të cilat ia kishte dhënë një të riu nga Filipinet që t’ia dizajnoj blogun.
“Fillova punën me blog, dhe Brenda një kohe të shkurtër fitoja katër mijë euro në muaj. Më pas fillova punën në disa blogje të tjera, ku punësova njerëz të tjerë që shkruanin shpejt dhe më sillnin shuma marramendëse në muaj – deri në 40 mijë euro”, pretendon John.
