Ditën e sotme Sekretari i Përgjithshëm i PD, Gazmend Bardhi, i ka bërë thirrje kreut të Kuvendit Gramoz Ruçi që të vendosë në rend të ditës në seancën e radhës plenare edhe miratimin e Kodit të ri Zgjedhor.
Por përgjigja ndaj tij ka ardhur nga kreu i grupit parlamentar të PS, Taulant Balla, i cili thotë se Bardhi duhet të dijë se Kuvendi ka rregulla, ndaj nuk duhet të vendosë ultimatume të tilla.
Sipas Ballës, Kodi i ri Zgjedhor do të diskutohet edhe me opozitën parlamentare, duke diskutuar edhe kërkesën e tyre për listat e hapura.
“Kishte dalë një zotëri Gazmend apo Gazmir Bardhi dhe jepte urdhër që Kuvendi të fuste në rend të ditës votimin e Kodit zgjedhor. Ky zotëria duhet të dijë se Kuvendi ka rregulla.Kuvendi i Shqipërisë do ta shqyrtojë sipas të gjitha normave parlamentare. Do të jemi serioz të respektojmë marrëveshjen por do ta diskutojmë edhe me opozitën parlamentare”, tha ndër të tjera Balla
