Kryedemokrati Lulzim Basha ka bërë një tjetër prononcim, këtë herë në rrjete sociale. Teksa ka postuar foto nga Kuvendi i sotëm Kombëtar, ai shkruan: “Zgjodhëm të ardhmen!”
Kujtojmë se në Kuvendin e kësaj të shtune, u miratua një rezolutë që shpallte si të pa vlefshme Kuvendin e datës 11 dhjetor, si dhe nuk lejonte persona të shpallur non grata që të kenë poste drejtuese në parti.
Sakaq, në një prononcim për mediat, Basha theksoi se nuk e njeh vendimin e referendumit të mbajtur sot, të kërkuar nga ish-kryeministri Sali Berisha. Ai deklaroi prerë se ditën e sotme Partia Demokratike ka pasur vetëm një aktivitet dhe ajo ka qenë Kuvendi Kombëtar i thërritur me vendim kryesie.
