Deputeti Flamur Noka ishte i pari që foli në seancën plenar të së enjtes edhe pse në sallë ishin gjithësej 10 deputet.
Ndërsa komentoi procesin zgjedhor të 14 majit dhe akuzoi PS se i ka blerë votat, Noka kërcënoi mazhorancën se opozita do t’i përgjigjet ashpër.
“Edi Rama, kjo qeveri dhe rilindje nuk takohet asgjëkund me votën e lirë. Bëhuni gati se tashmë do ju përgjigjemi siç mund t’i përgjigjesh një regjimi kriminal.
Nuk ka asnjë rrugë tjetër me ju. Shkoi kursi i euros 100.9 lekë. Ishin 500 mln euro të korrupsionit tuaj dhe të krimit që u hodhën për të vrarë votën e lirë. Prisni përgjigjen, ajo që mund t’i jepet çdo bande qoftë me pushtet, qoftë pa pushtet”, theksoi Noka.
