Ministrja e Shtetit për Shërbimet dhe Standardet Milva Ekonomi deklaroi në Kuvend se hapja e negociatave ka ardhur për shkak të punëve të mira që ka bërë qeveria.
Ekonomi u shpreh se Shqipëria është një nga vendet më të avancuara në rajon për zbatimin e reformës në Drejtësi. Ajo shtoi se për herë të parë pas shumë vitesh individë të caktuar marrin dënimin që meritojnë pavarësisht postit.
“Negociatat nuk ishin hapur nëse nuk do kishim punuar. Nuk do vinim në këtë ditë nëse nuk do kishim bërë disa punë. Shqipëria është një vendet më të avancuara në rajon për reformën në drejtësi.
Për herë të parë pas shumë vitesh individë të caktuar marrin dënimin që meritojnë pavarësisht rolit që kanë në qeveri. Përvoja e reformave të mëdha në vendin tonë tregojnë se ne kemi performuar mirë. Edhe për ILDKPI ka qenë një punë e madhe”, u shpreh Ekonomi.
