Në botën e showbizit gjithmonë ndodhin gjëra të papritura. Shumë fytyra të njohura publike që në fillim të karrierës së tyre përveç famës janë komentuar edhe për konfliktet që kanë pasur e që kanë edhe në ditët e sotme me kolegët të tyre.
Pjesa më e madhe e armiqësive, kanë ardhur për shkak të konkurrencës jo vetëm në muzikë, por në disa raste edhe për shkak të jetës private. Këto histori gjithmonë kanë vëmendje maksimale.
Sigurisht të gjithë e mbani mend kohën kur dy këngëtaret e njohura të skenës Adelina Ismajli e Leonora Jakupi kishin pasur një konflikt të ashpër me njëra-tjetrën. Madje ky rast është ndoshta nga “sherret” e para të yjeve të estradës. Zënka e dy këngëtarëve edhe në ditët e sotme mbetet e pasqaruar për fansat e tyre.
Por, ky nuk është rasti i vetëm. Që në fillim të karrierës së tyre ato u shfaqën së bashku. Ishin familjare e shumë të afërta me njëra-tjetrën. Përveç kësaj ato kanë pasur edhe bashkëpunime të shumta që u pëlqyen shumë nga publiku. Bëhet fjalë për dy artistet e muzikës popullore Shyhrete Behluli e Shkurte Fejza të cilat nuk flasin më me njëra-tjetrën.
Shoqe shumë të mira që edhe sollën bashkëpunime ishin edhe këngëtarja e njohur Altuna Sejdi (Tuna) dhe Dafina Zeqiri. Për një periudhë të shkurtër të dy këngëtaret kishin prishur raportet me njëra-tjetrën. Ndonëse, kohëve të fundit rrjetet sociale ato shihen duke komentuar tek profilet e njëra tjetrës. Kjo lë të kuptojmë se i kanë rregulluar raportet.
Inatet e konfliktet nuk ndodhin vetëm te këngëtarët e showbiz-it. Dikur dy reperët e njohur Ledri Vula e Noizy ishin armiq të përbetuar, ku nuk munguan as sharjet e ofendimet ndaj njëri-tjetrit.
Mrekullitë ndodhin. Dyshja e famshme ka kohë që kanë lënë anash konfliktet e tyre dhe tashmë janë bërë dy miq të mirë. Madje vetëm pak ditë më parë Ledri e Noizy publikuan edhe projektin e shumëpërfolur “Dje&Sot”.
Për dallim nga Ledri, anëtari i “Babastars” Cozman dhe Albert Krasniqi ende vazhdojnë të jenë në konflikt me Noizyn. Madje kohë më parë ata u përshinë në një konflikt me armë zjarri ku ky i fundit mbeti i plagosur. / express
