Dalin të tjera detaje pas kapjes nga policia greke të trafikanëve të gomones me 1.6 tonë drogë nisur nga Shqipëria.
Mediat greke shkruajnë sot se në kërkim është një “bos i madh” i cili thuhet se është shqiptar dhe jeton në një vilë në bregdet, por pa dhënë të tjera të dhëna për të.
Sipas hetimeve, gomonia me 1.6 tonet kishin destinacion plazhet e Turqisë dhe autoritetet janë në kërkim të shqiptarit, që dyshohet si “big bossi”.
Hetimet e policisë kane zbuluar se mafia shqiptare krijoi organizatën me qendër në Athinë dhe me përfshiu në të grekë të njohur.
Biznesmeni grek, një nga 11 të arrestuarit, 63-vjecari njihet për gustot e shtrenjta, ka pasuri te madhe ne Mikono dhe luante një rol kyç në këtë organizatë.
Ai ishte personi që blinte gomonet për llogari të mafies shqiptare, i pagezonte ato si turistike per te mos u dyshuar nga policia.
Droga u ngarkuar ne Shqiperi, permes Korfuzit u fut ne Greqi, do kalonte në Peloponez e do shkonte ne plazhet e Stambollit.
“Kemi te bëjmë me një rrjet polietnik që bënte punë të mëdha në Shqipëri, Turqi dhe Itali”, thotë një oficer policie.
Ndërkohë, teksa publikohen të dhëna nga jeta luksoze e 63-vjecarit, thuhet se ai iku nga shtepia, mori dy pasaportat e tij, nje greke dhe nje italiane, pasi kishte studiuar e jetuar gjate ne Itali. Mori dhe nje valixhe me rroba dhe aq para sa ju gjenden dhe shkoi ne nje hotel ku dhe u kap. Greku i dyte i arrestuar eshte rreth te dyzetave, pronar i nje parkingu skafesh ne Porto Rafti.
