Kendall Jenner është si të gjitha ne vajzat. Edhe ajo ka ato ditët e muajit kur nuk duket perfekte. I keni parasysh ato ditët kur na dalin ca puçra në fytyrë. Po edhe një po të dalë na e prish gjithë terezinë. Dhe dalin pikërisht atëherë kur nuk duhet. Kur kemi një rast të rëndësishëm. Si Kendall. Kushedi sa inat i ka ardhur që iu desh të shkonte në Golden Globes me puçrat me vete. Askush më shumë sesa një puçërr nuk ka fuqinë të të shkatërrojë fustanin, sado. Mijëra dollarë të ketë kushtuar. Grimin sado grimierë profesionistë të të kenë pudrosur. Flokët sado parukiere të kenë punuar mbi kokën tënde. Dhe sa inat që nuk ka asgjë në botë më shkatërruese se sa një puçër. Ajo mund ta shkatërrojë fare mirë fustanin e shtrenjtë, grimin profesional, te grimierët e famshëm.
Përfundmisht, një puçërr është fatkeqësia më e madhe e bukurisë që i ndodh një vajze. Sidomos kur pasi përpiqesh ta rregullosh duke e shtrydhur e bën edhe më keq. Pastaj mbledh gjithë produktet e pudrës e kremit që ta maskosh. Del nga shtëpia me idenë që ajo nuk është më. Por ja ku një foto të kujton prapë se mund të mbulosh celulitin, barkun që të varet, qimet që ke harruar t`i depilosh, thoin që të është thyer, por me një puçërr të tmerrshme në fytyrë betejën e ke përherë të humbur.
Ne jemi me ato gratë që aty në tapetin e kuq e me fustan të zi dhanë mesazhe të fuqishme për të gjithë botën. Po jemi edhe me ty moj Kendall. Aq ta kuptojmë hallin. Ke dhe ti ato shqetësimet e tua. Aq sa edhe linja kozmetike e motrës tënde s`të bën derman.
