Janë me pushime, por nuk kanë shpëtuar nga detyrat. Fëmijët e njohur të showbizit, që kanë mamatë dhe baballarët të famshëm po sfidojnë veten edhe prindërit. Ata po ushtrohen të bëjnë ski.
Mia e Rudinës e ka marrë shumë seriozisht. Atë po e mëson i ati dhe duket se po ia del për mrekulli. Rudina ka qenë gjithmonë aty, prezente, për të kapur momentet e tyre më të bukura gjatë kursit. E veshur, me aksesorët e duhur dhe me babin pranë, s`i mungon asgjë për të mësuar.
Siç edhe Renee. Babi Roberti është mobilizuar që në këto pushime Renee të bëhet e zonja për të bërë ski.
Edhe Joelin e Ermalit, me siguri po e mësoi i ati, se Amit i duhet të jetë e kujdesshme për bebin te barku. Asgjë s`ka lënë pa blerë. Që nga kostumi i dëborës e deri te syzet për të mos ia vrarë sytë dëbora. Fillimi i mbarë gjysma e punës.
Detyrën dimërore duket se do ta kalojnë me sukses. Se në verë i pret një tjetër. Do mësojnë notin.
